Milli mətbəximizdə daha çox mərasim yeməyi kimi tanınan hədik aşı Cənub bölgəsində özünəməxsus şəkildə bişirilir. Bu haqda məlumatı Cenublu.az bu gün, 9 sentyabr tarixində Apa.az-a istinadən verirlər.
İlin soyuq aylarında, daha çox qışda bişirilən bu yemək buğdadan hazırlanır. Cənub bölgəsində bişirilən hədik aşı sulu qalmasına görə fərqlənir və hazır olması 5-6 saat çəkir. Aşın ocaqda hazırlanması isə yeməyə tam başqa dad verir. Öncə qazan su ilə doldurularaq qaynamaq üçün ocağın üstünə qoyulur. Su qaynayandan sonra bir gün əvvəl təmizlənmiş, yuyulmuş, isladılmış noxud və buğda qaynayan suya tökülür. Noxud və buğdanı bir gün əvvəl islağa qoymaqda məqsəd ondan ibarət olur ki, dənli bitkilər yumşalsın və tez bişsin.
Qeyd edək ki, hədik aşı körpələr ilk dişlərini çıxaran zaman “dişlik aşı” kimi də bişirilir. Aşı ilk dadan da körpə özü olur.
