Cəlilabadda məktəblinin əl işlərindən ibarət sərgi keçirilib. Bu haqda bu gün, 4 aprel tarixində Cenublu.az Masallı Regional Mədəniyyət İdarəsinə istinadən xəbər verir.
Cəlilabad rayon Dövlət Rəsm Qalereyasında H.Tağıyev adına Sabirabad kənd orta məktəbinin şagirdi Rəhimə Əhmədovanın fərdi sərgisi baş tutub. Sərgidə Masallı Regional Mədəniyyət İdarəsinin Cəlilabad rayon üzrə nümayəndəsi Elnur Atakişiyev, mədəniyyət mərkəzinin direktoru Ramil İbrahimov, məktəbin şagird və müəllim kollektivi iştirak ediblər.
Sərgidə Rəhimə Əhmədovanın müxtəlif mövzularda çəkdiyi rəsm əsərləri nümayiş olunub. Yekunda R.Əhmədova Fəxri Fərmanla təltif edilib.
