Cəlilabad məktəblərinin yuxarı sinif şagirdləri "Qüvvət elmdədir" adlı intellektual yarışmada iştirak ediblər. Bu haqda məlumatı Cenublu.az bu gün, 30 noyabr tarixində verir.
Oyun Neftçala rayonunda Mənəvi Dəyərlərin Təbliği Fondunun təşkilatçılığı və Azərbaycan Respublikası Elm və Təhsil Nazirliyinin dəstəyi ilə həyata keçirilib.
Sonda qalib gələn Cəlilabad şəhər 8 saylı Texniki və Humanitar fənlər təmayüllü məktəb-liseyin "Boz qurd" komandası Bakıda keçiriləcək final mərhələsində iştirak hüququ qazanıb. Onlar diplomlarla təltif ediliblər. Həmçinin digər iştirakçılar da sertifikatlarla mükafatlandırılıblar.
Qeyd edək ki, "Qüvvət elmdədir" adlı layihə çərçivəsində ölkənin 6 müxtəlif regionunda intellektual yarışmalar keçirilib. Final mərhələsinin Bakı şəhərində keçirilməsi planlaşdırılır.
