Cəlilabad rayon Gülməmmədli kənd tam orta məktəbinin şagirdi Naxçıvanda keçirilən “Qərbi Azərbaycana qayıdış” festival-konqresi çərçivəsində “Qərbi Azərbaycana qayıdış” olimpiadasının qalibi olub. Bu haqda məlumatı Cenublu.az bu gün, 22 iyun tarixində verir.
Belə ki, 36 nəfərin iştirakı ilə keçirilən olimpiadada Vəliyev Kənan Rizvan oğlu birinci yerə çıxaraq qızıl medal qazanıb.
Qaliblərə diplom və hədiyyələri Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli, elm və təhsil naziri Emin Əmrullayev, Naxçıvan Muxtar Respublikasının təhsil naziri Elxan Nəcəfov, Qərbi Azərbaycan İcması İdarə Heyətinin sədri, millət vəkili Əziz Ələkbərli, Türkiyənin İğdır Universitetinin rektoru Mehmet Hakkı Alma və digərləri təqdim ediblər.
Qeyd edək ki, olimpiada Elm və Təhsil Nazirliyi, Naxçıvan Muxtar Respublikasının Təhsil Nazirliyi, Təhsil İnstitutu, Qərbi Azərbaycan İcması və Naxçıvan Dövlət Universitetinin tərəfdaşlığı ilə keçirilib.
[caption id="attachment_61430" align="alignnone" width="336"]
Facebook[/caption]
