Hasıllı kənd məscidi Cəlilabad rayonunun eyniadlı kəndində yerləşir. Məscid XX əsrin əvvəllərində inşa edilib.
Məscid düzbucaqlı formadadır və qırmızı kərpicdən tikilib. İbadətgahın damı qırmızı kirəmitlə örtülüb, döşəməsi isə kərpiclə işlənib. İbadət evinin tavanı üç taxta sütun üzərində dayanır. Məscidin ön tərəfində taxtadan iki pəncərə və iki qapı yerləşir. Pəncərələr rəngli şüşələrlə işlənib. İbadətgahın güldəstə formasında bir günbəzi mövcuddur. İbadət zalı iki hissədən ibarətdir: qadınlar və kişilər şöbəsi. İbadət evinin qadınlar şöbəsi ikimərtəbəlidir [3].
Bu ibadətgahın yerində olan köhnə məscid XIX əsrin əvvəllərində inşa edilib. Lakin 18 noyabr 1918-ci ildə ibadət evi Azərbaycana və İslam dininə düşmən olan qüvvələr tərəfindən yandırılmışdı. Sonradan məscid Hasıllı kənd sakini Hacı Mirhüseyn ağa tərəfindən təmir olunub [1].
Bundan başqa, məscidin yerləşdiyi ərazi ticarət məntəqəsi kimi də fəaliyyət göstərib, əsasən Hasıllı bazarı ilə tanınıb [2].
Ədəbiyyat:
