Cəlilabad Dövlət Peşə Təhsil Mərkəzinin şagirdləri quş evlərinin yenilənməsini həyata keçiriblər. Bu haqda bu gün, 31 mart tarixində Cenublu.az xəbər verir.
Tədbir Lənkəran-Astara Regional Təhsil İdarəsi, Lənkəran Peşə Liseyi, Cəlilabad Dövlət Peşə Təhsil Mərkəzi və 1 saylı Regional Ekologiya və Təbii Sərvətlər İdarəsinin birgə əməkdaşlığı ilə “Yaşıl məktəb” layihəsi çərçivəsində təşkil olunur.
Mərkəzin tələbələri mərkəz ətrafında yerləşən quş evlərinin yenilənməsini həyata keçiriblər. Yenilənmə işləri ilə yanaşı, “Mebel ustası” və “Dülgər” ixtisası üzrə qruplarda təhsil alan tələbələrimiz tərəfindən təcrübə dərslərində yeni quş evləri də hazırlanıb, hazırlanan quş yuvaları yemlə təmin edilib.
Aparılmış bu aksiyada əsas məqsəd ətraf mühitin qorunması, zərərverici həşəratlarla mübarizədə mühüm rol oynayan quş növlərinin sayının artırılması, həm də tələbələrə ətraf mühitə sevgi və qayğı hisslərinin aşılanmasına dəstək göstərməkdən ibarətdir.
