Cəlilabadda “Vətən sevgisi” mövzusunda maarifləndirici görüş keçirilib. Bu haqda məlumatı Cenublu.az bu gün, 28 oktyabr tarixində verir.
Tədbir Akademik Zərifə Əliyeva adına Cəlilabad şəhər 7 nömrəli tam orta məktəbinin akt zalında hərbi vətənpərvərlik tərbiyəsinin formalaşması və gənclərin hərbi xidmətə hazırlanması, yeniyetmə və gənclərdə vətənpərvərlik hisslərinin gücləndirilməsi məqsədilə keçirilib.
Tədbirdə Lənkəran-Astara Regional Gənclər və İdman İdarəsinin Cəlilabad rayonu üzrə gənclər və idman sektorunun, Lənkəran-Astara Regional Təhsil İdarəsinin Cəlilabad rayon təhsil sektorunun və Dini Qurumlarla İş Üzrə Dövlət Komitəsinin Masallı şöbəsinin əməkdaşları, məktəbin müəllimləri və 110 nəfər şagird iştirak ediblər.
Sonra mövzu ətrafında digər çıxışlar dinlənilib və şagirdlərin sualları cavablandırılıb.
Qeyd edək ki, tədbir Lənkəran-Astara Regional Gənclər və İdman İdarəsinin Cəlilabad rayonu üzrə gənclər və idman sektorunun və Lənkəran-Astara Regional Təhsil İdarəsinin Cəlilabad rayon təhsil sektorunun birgə təşkilatçılığı ilə baş tutub.
