Cəlilabad Dövlət Peşə Təhsil Mərkəzində məşhur yazıçı Meyxoş Abdullahla tələbələrin görüşü keçirilib. Bu haqda məlumatı Cenublu.az bu gün, 19 aprel tarixində verir.
Görüşdə yazıçının təkrar nəşr olunan "Əsir qadın" kitabının təqdimatı həyata keçirilib. Tədbir tələbələr tərəfindən maraqla qarşılanıb.
AYB-nin üzvü, prezident təqaüdçüsü Meyxoş Abdullah 1962-ci ilin 2 fevral tarixində Cəlilabad rayonunun Xəlilabad kəndində anadan olub.
Ədəbi fəaliyyətə XX əsrin 80-ci illərində başlayıb. İlk qələm təcrübələri "Yeni gün", "Nəğmələr", "Son söz", "Xeyir və şər" və s. qəzetlərdə çıxıb. "Doktor Qəzənfər haqqında xatirələr" (2000), "Cəlilabad baytar işçiləri" (2000), "Didərgin ruhlar" (2001) kitabları "Azərnəşr"də kütləvi tirajla buraxılıb. Onun əsərləri bir çox xalqların dilinə tərcümə olunub.
