Cəlilabadın Məmmədrzalı kənd tam orta məktəbində "Gəncliyimizi narkomaniyadan qoruyaq!" mövzusunda görüş baş tutub. Bu haqda məlumatı Cenublu.az bu gün, 7 dekabr tarixində verir.
Tədbirdə Cəlilabad RPŞ-nin rəis müavini, polis polkovnik-leytenantı Cavid Məmmədov bildirib ki, insanların sağlamlığının və mənəvi-əxlaqi dəyərlərinin qorunması, narkomanlığa və narkotiklərin qanunsuz dövriyyəsinə qarşı mübarizə ümumdövlət vəzifəsi kimi müəyyən edilib. Bununla bağlı bu istiqamətdə tədbirlər həyata keçirilir.
Görüş çərçivəsində, həmçinin erkən nikahların fəsadlarından, gələcəyin ailə modelinə və ümumilikdə cəmiyyətə vura biləcəyi neqativ təsirlərdən məlumat verilib və mövzular üzrə məktəblilərin sualları cavablandırılıb.
Qeyd edək ki, tədbir rayon Polis Şöbəsinin təşkilatçılığı ilə keçirilib.
