Cəlilabad Dövlət Peşə Təhsili Mərkəzində "Peşə könüllüsü" layihəsi icra olunub. Bu haqda məlumatı Cenublu.az bu gün, 16 avqust tarixində verir.
Tədbirdə çıxış edən layihə rəhbəri Elməddin Mirzəyev iştirakçılara Azərbaycan Gənclər Fondu haqqında məlumatlar verib, layihənin məqsəd və vəzifələrindən danışıb.
Daha sonra təlimçi Orxan Əliyev könüllülüyün dəyərləri, könüllü fəaliyyətin aparılması qaydaları və könüllülüyün faydalarından danışıb, peşə könüllüsünün görəcəyi işlərdən söhbət açıb.
Maraqlı və interaktiv keçən təlimdə müxtəlif enercayzerlər icra olunub. İştirakçılara sertifikatlar təqdim edilib.
"Peşə könüllüsü" layihəsi Azərbaycan Gənclər Fondunun "İndeyanı reallaşdır-2023" qrand müsabiqəsinin qalibidir.
Təlimlərin ikinci fazası avqust-sentyabr ayları ərzində davam edəcək.
