Cəlilabadın Sərhədabad kənd tam orta məktəbinin şagirdləri ilə “Narkomaniyaya yox deyək!” adlı görüş keçirilib. Bu haqda məlumatı Cenublu.az bu gün, 2 dekabr tarixində verir.
Tədbirdə RPŞ-nin rəisi polis polkovniki Polad Qarayev narkomaniya ilə mübarizənin vacibliyindən, sağlam gəncliyin və etibarlı gələcəyin qurulmasından danışıb. Narkotik vasitələrin qanunsuz dövriyyəsinin qarşısının alınması istiqamətində hüquq-mühafizə orqanlarının həyata keçirdiyi qətiyyətli tədbirlərlə bağlı görüş iştirakçılarına məlumat verib.
Yekunda mövzu ətrafında digər çıxışlar dinlənilib və şagirdlərin sualları cavablandırılıb.
Qeyd edək ki, görüş Cəlilabad Rayon Polis Şöbəsinin təşkilatçılığı ilə həyata keçirilib.
