Cəlilabad şəhərində "Heydər Əliyev və xalqın azadlıq tarixi" mövzusunda gənclərlə görüş təşkil olunub. Bu haqda məlumatı Cenublu.az bu gün, 17 noyabr tarixində verir.
Tədbir Heydər Əliyev Mərkəzində keçirilib. Burada rayon üzrə gənclər və idman sektorunun əməkdaşı, mərkəzin direktoru və Cəlilabad Tibb Kollecinin tələbələri olmaqla ümumilikdə 30 nəfər iştirak edib.
Tədbir çərçivəsində tarixi günün yaranması barədə gənclərə ətraflı məlumat verilib. Sonda milli azadlıq hərəkatına həsr olunmuş videoçarx təqdim olunub.
Qeyd edək ki, görüş Lənkəran-Astara Regional Gənclər və İdman İdarəsinin Cəlilabad rayonu üzrə gənclər və idman sektorunun və Cəlilabad şəhər Heydər Əliyev Mərkəzinin birgə təşkilatçılığı ilə baş tutub.