Cəlilabad 1 saylı şəhər məktəb-liseyində “Erkən nikah hallarının qarşısının alınması” mövzusunda tədbir keçirilib. Bu haqda məlumatı Cenublu.az bu gün, 29 aprel tarixində verir.
Görüşdə məktəbin IX sinif şagirdləri iştirak ediblər. Onlara mövzu ətrafında məlumat verilib. Qeyd olunub ki, erkən nikah cəmiyyətimizdə aktual problemlərdən biridir. Erkən nikah və qızların təhsildən yayınması mövzularında danışılaraq bildirilib ki, təhsil və maariflənmə bütün azadlıqlardan üstündür.
Sonda mövzu ilə bağlı şagirdlərlə fikir mübadiləsi aparılıb.
Tədbir rayon Mərkəzi Kitabxanasının Uşaq şöbəsinin təşkilatçılığı ilə baş tutub.
