Cəlilabadda keçirilən BİL - "Birlik" İntellekt Liqası - 2 intellektual yarışı başa çatıb. Bu haqda məlumatı Cenublu.az bu gün, 2 fevral tarixində verir.
"Nə? Harada? Nə zaman?" formatında baş tutan yarışda nümayəndəliyimiz üzrə 4 komanda və 30-a yaxın gənc öz bilik və bacarıqlarını nümayiş etdirib.
Yarışın sonunda "Desant" komandası I, "Alfa" komandası II, "Trust" komandası isə III yerlərin sahibi olub.
2 Fevral - Azərbaycan Gəncləri Gününə həsr olunmuş, GİKM-in 55 nümayəndəliyində sinxron şəkildə baş tutan yarış Gənclərin İnkişaf və Karyera Mərkəzi və "3sual.az" platformasının birgə təşkilatçılığı ilə keçirilib.
Qeyd edək ki, yarış Cəlilabad rayon Heydər Əliyev Mərkəzinin tərəfdaşlığı ilə baş tutub.
