Cəlilabadın Heydər Əliyev Mərkəzində "Gender bərabərliyi" adlı görüş həyata keçirilib. Bu haqda məlumatı Cenublu.az bu gün, 15 dekabr tarixində verir.
Tədbirdə rayon İcra Hakimiyyəti başçısı aparatının Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Xumarə Xəlilova, Yetkinlik yaşına çatmayanların işləri və hüquqlarının müdafiəsi üzrə komissiyanın uşaqlarla iş üzrə məsləhətçi-psixoloqu Günay İbadova, rayon polis şöbəsinin, rayon təhsil sektorunun, Cəlilabad Dövlət Peşə Təhsil Mərkəzinin, ADPU Cəlilabad filialının, tibb kollecinin, rayon gənclər və idman sektorunun əməkdaşları iştirak ediblər.
Toplantı çərçivəsində gender problemi və gender bərabərliyinin təmin olunması barədə diskussiyalar aparılıb. Qeyd olunub ki, bütün insan hüquqları kimi, gender bərabərliyinə görə də mübarizə aparmaq, onu müdafiə etmək və rəğbətləndirmək lazımdır.
Seminar Rayon İcra Hakimiyyəti tərəfindən təşkil olunub.
