Cəlilabad rayonunda “Gənclər narkomaniyaya yox deyir!” mövzusunda tədbir keçirilib. Bu haqda məlumatı Cenublu.az bu gün, 2 dekabr tarixində verir.
Tədbirdə Cəlilabad Rayon İcra Hakimiyyəti başçısının birinci müavini, Narkomanlığa və narkotik vasitələrin qanunsuz dövriyyəsinə qarşı mübarizə üzrə komissiyanın sədri Qalib Xudaverdiyev, Narkomaniya və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının işçi qrupunun məsləhətçisi Vasif Quliyev və tələbələr iştirak ediblər.
Tədbirdə narkomaniyanın insanlara vurduğu mənəvi və maddi zərərlərdən söz açılıb. Narkotik vasitə istifadəçilərinin əhatəsində olan insanlara da ciddi təhlükələr yaratdığı qeyd olunub, həmçinin bu fəlakətlə mübarizə istiqamətində görülən işlər haqqında geniş məlumat verilib.
Sonda iştirakçıların sualları cavablandırılıb, onları narahat edən bir sıra məsələlərlə bağlı fikir mübadiləsi aparılıb, müvafiq izahatlar verilib.
