Bir əsrə yaxın yaşı olan dəyirman Cəlilabad rayonunun Dövlətalıbəyli kəndində yerləşir [1]. Bu dəyirman 1920-1930-cu illərdə - Cəlilabadda taxılçılıq inkişaf edən zaman kənd sakini Əzizağa Dadaşov tərəfindən alınaraq, burada quraşdırılıb. Deyilənlərə görə, dəyirman Qarabağ bölgəsindən gətirilib [2].
Həmin dəyirmanın köməyi ilə günə 2 ton və ya 1 saat ərzində 200-250 kq un istehsal etmək olar [1].
Dəyirmanın sahibi Əzizağa Dadaşov burada istehsal edilən un haqqında deyib:
“Bu dəyirmanların üstünlüyü çoxdur, kəpəyi undan ayırmır, un kəpəkli olur, bu da tibbi cəhətdən xeyirlidir. Çünki dədə-babalarımız min illər bu dəyirmanlardan, undan istifadə edib. Heç bir xəstəliyə düçar olmayıblar”. Yerli sakinlərin sözlərinə görə, bu undan bişirilən qara çörək mağazalarda satılanlardan daha keyfiyyətli sayılır [2].
Cəlilabad rayonunda başqa dəyirmanlar mövcud olsa da, onların bir çoxu bu günədək gəlib çatmayıb. Texnikanın inkişafı ilə əlaqədar dəyirmanlara tələbat hazırda çox azalıb [3].
Ədəbiyyat:
