Cəlilabadda “Ailə dəyərlərinin qorunub saxlanılaraq gənc nəsillərə aşılanması” mövzusunda tədbir baş tutub. Bu haqda məlumatı Cenublu.az bu gün, 18 may tarixində verir.
Tədbir Cəlilabad Tibb Kollecində keçirilib. Burada RİH başçısı aparatının Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Xumarə Xəlilova, Azərbaycan Yazıçılar birliyinin üzvləri Ruhiyyə Abbaszadə və Meyxoş Abdulla, Rayon Veteranlar Təşkilatının sədri Ədalət Salman və kollec tələbələri iştirak ediblər.
Görüşdə çıxış edənlər ailə dəyərlərinin vacibliyi, erkən nikah və qohum nikahlarının fəsadları, ölkəmizdə bu istiqamətdə görülən işlər barədə məlumat veriblər.
Daha sonra RİH-nin əməkdaşları Uzuntəpə kənd sakinləri, 68 il birgə ailə həyatı sürmüş Barat Əlişov və Sumara Əlişovaya baş çəkiblər və onlara hədiyyələr təqdim ediblər.
Təbdir Cəlilabad Rayon İcra Hakimiyyəti tərəfindən təşkil olunub.
