Cəlilabad rayon Heydər Əliyev Mərkəzində Aida İmanquliyevanın xatirəsinə həsr olunmuş tədbir keçirilib. Bu haqda məlumatı Cenublu.az bu gün, 13 oktyabr tarixində verir.
Tədbir görkəmli alim, istedadlı pedaqoq, tərcüməçi, ictimai xadim, filologiya elmləri doktoru, professor Aida İmanquliyevanın anadan olmasının 84-cü ildönümünə həsr olunub.
Cəlilabad rayon Heydər Əliyev Mərkəzi və Mədəniyyət Mərkəzinin birgə təşkilatçılığı ilə keçirilən tədbirdə mədəniyyət nümayəndələri iştirak ediblər.
Çıxışlarda böyük şərqşünas-alim Aida İmanquliyevanın elmə, təhsilə verdiyi töhfələrdən danışılıb. Qeyd olunub ki, Aida xanım şərəfli ömür yolu keçib, şərqşünaslıq elminin inkişafında onun müstəsna xidmətləri olub.
Sonra şərqşünas-alimin həyat və fəaliyyətindən bəhs edən film təqdim olunub.
