Cəlilabad rayonu 2 iyun 1967-ci ildən dramaturq, jurnalist, ictimai xadim Cəlil Məmmədquluzadənin şərəfinə Cəlilabad adlandırılıb [3]. Məhz bu tarixdən sonra yazıçının tunc abidəsi Cəlilabad şəhərinin mərkəzində ucaldılıb [2,4].
Cəlil Məmmədquluzadə 1869-cu ildə Naxçıvanda anadan olub.
O, ilk təhsilini əvvəlcə mollaxanada, sonra Naxçıvan şəhər məktəbində alıb. Məmmədquluzadə 1882-1887-ci illərdə Qori müəllimlər seminariyasında oxuyub. Daha sonra pedaqoji fəaliyyətlə məşğul olub.
Həftəlik illüstrasiyalı ilk Azərbaycan jurnalı “Molla Nəsrəddin”in 7 aprel 1906-cı ildə birinci sayı məhz həmin zamanlar Mirzə Cəlil adı ilə tanınan yazıçı Cəlil Məmmədquluzadənin redaktorluğu ilə çıxmışdır.
Cəlil Məmmədquluzadənin əsərləri sırasında “Çay dəstgahı” alleqorik pyesini, “Danabaş kəndinin əhvalatları” povestini qeyd etmək olar. Sovet dövründə yazıçı təzyiqlərə məruz qalmasına baxmayaraq, bədii yaradıcılığa davam edirdi. Həmin zaman Məmmədquluzadənin “Dəli yığıncağı”, “Ər”, “Yığıncaq” tragikomediyaları ərsəyə gəlib.
Cəlil Məmmədquluzadə 4 yanvar 1932-ci ildə Bakı şəhərində vəfat edib və oradakı Fəxri xiyabanda dəfn edilib [1].
Ədəbiyyat:
