Bu gün, 29 dekabr tarixində uzun illər Lənkəran Dövlət Dram Teatrında aktyor və direktor vəzifələrində işləmiş Elşad Zeynalovun doğum günüdür.
Elşad Allahverdi oğlu Zeynalov 1951-ci ildə Ağsuda anadan olub. 1973-cü ildə Azərbaycan Dövlət Mədəniyyət və İncəsənət Universitetinin Kino və dram aktyorluğu fakültəsini bitirdikdən sonra təyinatla aktyor kimi Lənkəran Dövlət Dram Teatrına göndərilib.
Doğma teatrın səhnəsində 80-dən yuxarı tamaşada müxtəlif səpkili rollar yaradan Elşad Zeynalov 1984-cü ildə teatrın direktoru təyin edilib və vəfatına qədər bu vəzifəni yerinə yetirib.
Elşad Zeynalov Azərbaycan teatrının inkişafında göstərdiyi xidmətlərə görə Respublikanın Əməkdar artisti fəxri adına, həmçinin Azərbaycan Respublikası Prezidentinin təqaüdünə layiq görülüb.
5 yanvar 2007-ci ildə dünyasını dəyişib. Lənkəranda dəfn edilib.
