Bu gün, 7 sentyabr Lənkəran Dövlət Dram Teatrının aktrisası Gülər Kərimovanın doğum günüdür.
Gülər Kərimova 1988-ci ildə Lənkəran şəhərində anadan olub. 2008-ci ildə təhsilini başa vuraraq bir il sonra Lənkəran Dövlət Dram Teatrına yardımçı aktrisa kimi işə qəbul olunub.
Əvvəllcə teatrın səhnəsində Elçinin “Dəlixanadan dəli qaçıb”, M.Xubainin “Şeytanın oyunları”, Ç.Aytmatovun “Manqurt” tamaşalarında kütləvi səhnələrdə çıxış edən aktrisa sonralar Güldər (Latıpovlar, “Şah və əks-səda”), Qırmızıpapaq (Ş.Pyerro, “Qırmızıpapaq”), Nisə (M.F.Axundov, “Lənkəran xanının vəziri”), Oksana (K.Nəzirli, “Şeytan işığı”), Sabit (X.Həsənova, “Qız sərgüzəştləri”), Elianta (J.B.Molyer, “Mizantrop”), Fizzə/Ziba (C.Məmmədquluzadə, “Danabaş kəndlinin əhvalatları”), Budur (Ərəb xalq nağılı “Ələddinin sehirli çırağı”), Marya (Ə.Əsgərov, “Ölməz kaşey”), Kamela (E.D.Filippo, “Ruhlar”) və s. bu kimi müxtəlif xarakterli rollarda çıxış edib.
G.Kərimova dəfələrlə respublika müsabiqələrinin iştirakçısı kimi mükafatlara layiq görülüb.
Aktrisa, həmçinin ayrı-ayrı teleseriallarda maraqlı rollarda oynayıb.
