27 sentyabr 2020-ci ildə Ermənistan silahlı qüvvələri müxtəlif növ silah və ağır artilleriyalardan istifadə edərək Azərbaycan ərazisində olan bir neçə yaşayış məntəqəsini, həmçinin hərbi mövqelərini atəşə tutub.
44 gün davam edən müharibə zamanı Azərbaycan ordusunun Qarabağda başladığı uğurlu əks-hücum əməliyyatı nəticəsində 5 şəhər və 4 qəsəbə, ümumilikdə isə 300-dən çox yaşayış məntəqəsi, həmçinin Ağdərə, Murovdağ və Zəngilan istiqamətlərində yerləşən strateji yüksəkliklər erməni işğalçılarından azad edilib.
İkinci Qarabağ müharibəsində Azərbaycanın 2908 nəfər hərbi qulluqçusu şəhidlik zirvəsinə ucalıb, 6 hərbi qulluqçusu isə itkin düşüb. Bununla bağlı 2 dekabr 2020-ci ildə hər il sentyabrın 27-sinin Azərbaycan Respublikasında Anım Günü kimi qeyd edilməsi haqqında qərar qəbul edilib.
Allah şəhidlərimizə rəhmət eləsin!
