Bu gün, 7 mart tarixində Azərbaycan Yazıçılar Birliyinin Lənkəran Bölməsinin sədri, yazıçı-publisist Qafar Cəfərlinin doğum günüdür.
Qafar İltifat oğlu Cəfərli 1957-ci ildə Lənkəran rayonunun Viyən kəndində anadan olub. Orta məktəb illərindən bədii yaradıcılıqla məşğul olub. Bədii və publisistik yazıları respublikanın müxtəlif qəzet və jurnallarında dərc olunub. Əsərlərinə filmlər və serial çəkilib.
İxtisasca hüquqşünas olan Q.Cəfərli uzun illər hüquq-mühafizə sistemində çalışıb. O, təqaüddə olan polis polkovnikidir, Qarabağ müharibəsi veteranıdır.
Q.Cəfərli, həmçinin bir çox media mükafatlarının laureatıdır. 2018-ci ildə Türk Dünyası Araşdırmaları Beynəlxalq Elmlər Akademiyasının diplomuna və qızıl medalına layiq görülüb. Prezident mükafatçısıdır.
17 avqust 2020-ci ildən Azərbaycan Yazıçılar Birliyinin Lənkəran Bölməsinin sədridir.
