Əvvəllər Qapandibi meydanı Lənkəran şəhərinin Böyük bazar hissəsində, mərkəzi bazarın arxasında yerləşirdi [2]. Hazırda onun yerində dördmərtəbəli bina var və onun birinci mərtəbəsi bazardır.
Qapan “böyük tərəzi” mənasını verir [3]. Qapandibi meydanının eni 160 metr, uzunluğu isə 170 metrə çatırdı. Meydanın mərkəzində böyük tərəzi yerləşirdi. Burada əvvəllər tərəzi ilə camış, öküz, qoyun və 1 tondan artıq olan taxıl çəkirdilər. Qapandibinin yüzdən çox ikipudluq (32 kq) daşı var idi [1].
Lənkəranda güləş yarışları, adətən, Qapandibidə keçirilirdi. Təxminən 1890-1915-ci illərdə keçirilən döyüşlər, əsasən, lənkəranlı dərzi Cəlil tərəfindən təşkil edilirdi [2].
Burada, həmçinin qoç, xoruz, it döyüşdürürdülər. Dərvişlər meydanda qəribə hadisələrdən danışardılar. Hərdən buraya İrandan meymunlar və ilanlar gətirilirdi. Buraya kəndlərdən arabalarla şiplərdə (iri səbətlər) yemiş, qarpız, boranı, soğan və taxıl gətirilərək satılırdı. Bu səbəbdən onun ətrafı həmişə taxılla dolu olardı [3].
Kəblə Əbdülkərimin (Fətəliyevlərin) hamamı da bu yerdə idi. İndi bu hamamın yerində kolxoz bazarının toyuq satılan hissəsi və mərkəzi hamamın bir hissəsi yerləşir [2,3].
Bu ticarət mərkəzi 1961-ci ildəki yanğına qədər fəaliyyət göstərirdi [2].
Ədəbiyyat:
