Cəlil Azay Azad oğlu 1995-ci ildə Lənkəran rayonunun Boladı kəndində anadan olub. 2012-ci ildə N.Axundov adına Lənkəran rayonu Boladı kənd 1 nömrəli tam orta məktəbini əla qiymətlərlə bitirib. Elə həmin il Azərbaycan Dövlət Neft və Sənaye universitetinin Komputer mühəndisliyi ixtisasına yüksək balla qəbul olub və 2016-cı ildə universiteti Fərqlənmə diplomu ilə bitirib.
Hərbi xidmətdən sonra Azərbaycan Respublikasının Mərkəzi Bankında Sistem administratoru - sistem inzibatçısı, Linux mühəndisi vəzifələrində çalışıb.
Daha sonra dünyada İnformasiya Texnologiyaları sahəsində top-10-a daxil olan ABŞ-nin “Cisco” şirkətindən iş təklifi alıb və karyerasını “Cisco”nun Polşa ofisində İnformasiya təhlükəsizliyi mühəndisi kimi davam etdirib.
Cəlil Azay hal-hazırda Polşada, dünyaca məhşur olan “Google” şirkətində DevOps mühəndis vəzifəsində çalışır.
