Asxanakəran kəndi Astara şəhərindən 24 km şimal-qərbdə, Bəşəru çayının sahilində, Peştəsər dağ silsiləsinin ətəyində yerləşir. Yaşayış məntəqəsi, həmçinin “Əsxənəkəran” adlanır [1].
Görkəmli alimlərimiz Budaq Budaqov və Nadir Məmmədovun fikirlərinə əsasən, “Asxanakəran” sözü talış dilində olan “asnaxa” (dəmirçi) və “kəran” (yaşayış yeri) komponentlərindən ibarətdir, yəni bu yer “dəmirçilər kəndi” mənasını daşıyır [4].
Başqa bir versiyaya görə, “Asxanakəran” sözündə olan “as” türk dillərində qartal, qamış, qədim alanların adı mənasını daşıyır. Azərbaycan dilində isə “as” - əs, əks-səda, səs-küy anlamında işlənir. Kəndin adının digər hissələri olan “xana” və “kəran” sözləri yaşayış məntəqəsi bildirən toponimik terminlərdir [3].
Əhali, əsasən, əkinçilik və maldarlıqla məşğuldur [1].
2009-cu ilin statistik göstəricilərinə əsasən, Asxanakəran kəndində 291 nəfər yaşayıb [2].
Ədəbiyyat:
