Astarada “Hüququmuzu bilirik, bullinqə yox deyirik” mövzusunda məktəblilərlə görüş keçirilib. Bu haqda məlumatı Cenublu.az bu gün, 22 dekabr tarixində verir.
Aqşin Hüseynov adına adına Suparıbağ kənd tam orta məktəbində keçirilən tədbir Lənkəran-Astara Regional Gənclər və İdman İdarəsinin Astara rayonu üzrə gənclər və idman sektoru, Astara rayon Təhsil sektorunun birgə təşəbbüsü ilə baş tutub.
Çıxışlarda gənclərlə iş və idman sahəsində qazanılan nailiyyətlər, uşaq hüquqlarının qorunması, bullinqin qarşısının alınması barədə məlumat verilib. Qeyd olunub ki, uşaqların, xüsusilə çətin həyat şəraitində olan uşaqların vəziyyətinin öyrənilməsi, təhsil, səhiyyə, sosial müdafiə, məhkəmə, hüquq-mühafizə, idman, mədəniyyət, istirahət, media və digər sahələrdə, habelə ailədə və cəmiyyətdə uşaqlar və onlarla müntəzəm təmasda olan şəxslər arasında uşaq hüquqları sahəsində məlumatlılığın artırılması zəruridir. Yeniyetmə və gənclərin hüquqi maarifləndirilməsi, onların mənəvi və fiziki cəhətdən sağlam və harmonik inkişafa nail olmaları vacibdir, bu kimi tədbirlər mənəvi cəhətdən sağlam vətəndaş tərbiyə edilməsinə dəstək olur.
Yekunda “Bullinq” adlı videoçarx izlənilib.
