Astaralı fermerin öz bağında yetişdirdiyi limonun çəkisi 1 kiloqrama yaxındır. Bu haqda məlumatı Cenublu.az bu gün, 14 noyabr tarixində ARB Cenub-a istinadən verir.
Belə ki, fermer Zəbiəli Əliyev yetişdirdiyi limonu Özbəkistandan gətirib. Fermer deyir ki, bir gün o, Özbəkistanda yaşayan əsgərlik dostuna baş çəkib. Belə bir limon sortunu da onun evində görüb. Evə gələndə dostundan xahiş edib ki, ağacdan ona versin. Dostu da limon ağacından ona verib. Fermer evə gətirdiyi o ağaca qulluq edib, təsərrüfatında artırıb.
Fermer deyir ki, bu limonu qabıqlı yemək vacibdir. Ağac bir il müddətində 400-500 ədəd məhsul verir. Əgər ağacda 700-800 ədəd limon olarsa, məhsul qırılır, tökülür, hətta ağacı sındıra da bilir. Buna görə də məhsulu və ağacı bir-birinə möhkəm bağlamaq gərəkdir.
Qeyd edək ki, ağaclardan asılı olaraq, bağda çəkisi 600-900 qram olan limonlara rast gəlinir. Təsərrüfatda yetişən ən böyük limonun çəkisi isə 1 kq 200 qram olub.
