Astara rayon Heydər Əliyev Mərkəzində S. Vurğun adına Təngərüd kənd tam orta məktəb şagirdlərinin iştirakı ilə “Xocalı soyqırımı Azərbaycanın tarixində ən dəhşətli və qanlı səhifələrdən biridir” mövzusunda tarix dərsi keçirilib. Bu haqda məlumatı Cenublu.az bu gün, 24 fevral taixinə verir.
Dövlət Himninin səsləndirilməsi ilə başlayan dərsdə “Xocalıya gedən yol” filmi nümayiş olunub.
Sonra çıxış edənlər bildiriblər ki, Xocalının işğalından 32 il keçməsinə baxmayaraq, erməni faşistlərinin və 366-cı Motoatıcı alayın Xocalının əliyalın sakinlərinə qarşı törətdikləri vəhşiliklər unudulmur. Əksinə, illər keçdikdə qaysaq bağlamayan yaralar göynəyir, xalqımıza qarşı soyqırımı törədənlərə nifrət artır. 44 gün davam edən müharibədə qalib gələn Azərbaycan Ordusu Ermənistan silahlı birləşmələrini darmadağın etməklə 32 il bundan əvvəl qətlə yetirilən 613 Xocalı sakininin qisasını aldı. Prezident İlham Əliyev 2023-cü il oktyabrın 15-də Xocalı şəhərində də dövlət bayrağımızı ucaltdı.
Tədbir şagirdlərin suallarının cavablandırılması ilə davam edib.
Yekunda tədbir iştirakçıları Astara rayon Heydər Əliyev Mərkəzinin elektron kitabxanasında saxlanılan kitablar və “Rəssamlıq” dərnəyi üzvlərinin əl işlərindən ibarət sərgiyə baxış keçiriblər.
