Astara rayon Heydər Əliyev Mərkəzində “Xalçaçılıq Azərbaycan incəsənətinin ən qədim və geniş yayılmış növlərindən biridir“ mövzusunda tədbir baş tutub. Bu haqda məlumatı Cenublu.az bu gün, 7 may tarixində verir.
Görüşdə S.Əliyev adına Rüdəkənar kənd ümumi orta məktəbinin müəllimləri və şagirdləri iştirak ediblər. Onlara “Azərbaycan xalçaçılıq məktəbləri” mövzusunda film təqdim edilib.
Daha sonra Mərkəzin baş fond mühafizi Elza Kazımova geniş məruzə ilə çıxış edərək bildirib ki, cənab İlham Əliyev 2016-cı il mayın 5-də “Azərxalça” Açıq Səhmdar Cəmiyyətinin yaradılması haqqında Sərəncam imzalayıb. Dövlət başçısının 25 noyabr 2016-cı il tarixli Sərəncamı ilə 5 may - xalçaçıların peşə bayramı kimi təsis edilib.
Sonda Heydər Əliyev Mərkəzinin elektron kitabxanasında saxlanılan kitablardan təşkil olunmuş sərgi həyata keçirilib.
