Astara rayon Mədəniyyət Mərkəzində “Uşaqlarımızın hüquqlarını qoruyaq” adlı tədbir baş tutub. Bu haqda məlumatı Cenublu.az bu gün, 16 dekabr tarixində verir.
Heydər Əliyevin 100 illiyinə həsr olunmuş tədbirdə Rayon İcra Hakimiyyəti başçısının müavini – İctimai-siyasi və humanitar məsələlər şöbəsinin müdiri, Yetkinlik yaşına çatmayanların işləri və hüquqlarının müdafiəsi üzrə Komissiyanın sədri Firəngiz Sadıxova geniş məruzə ilə çıxış edib.
Görüşə rayon İcra Hakimiyyətinin məsul işçiləri, rayonun ümumtəhsil məktəblərinin direktor və psixoloqları, uşaq birliyinin rəhbərləri, valideynlər, rayonda fəaliyyət göstərən məktəblərin müəllim və şagird kollektivləri cəlb olunublar.
Yekunda quruluşçu rejissoru Zamin Ağazadə, ssenari müəllifi Röya Nəhmətli olduğu erkən nikah mövzusuna həsr olunmuş tamaşa nümayiş edilib.
Tədbir Astara Rayon İcra Hakimiyyəti başçısı yanında Yetkinlik yaşına çatmayanların işləri və hüquqlarının müdafiəsi üzrə Komissiyanın təşkilatçılığı ilə keçirilib.
