Astarada "Fövqəladə hallarda insanların və maddi sərvətlərin təhlükəsizliyinin və mühafizəsinin təmin edilməsi" mövzusunda tədbir təşkil olunub. Bu haqda məlumatı Cenublu.az bu gün, 12 mart tarixində verir.
Görüş Heydər Əliyev Mərkəzində baş tutub. Buraya Lənkəran–Astara Regional Gənclər və İdman İdarəsinin Astara rayonu üzrə sektoru, C.Cabbarlı adına Kakalos kənd 1 saylı tam orta məktəbinin müəllimlər və şagirdləri cəlb olunublar.
Tədbirdə mövzu ətrafında müzakirələr aparılıb. Qeyd olunub ki, hər il mart ayının 1-i Ümumdünya Mülki Müdafiə Günü kimi qeyd edilir.
Daha sonra şagirdlərin mövzu ilə bağlı sualları cavablandırılıb.
