Astara Gənclər Evində istedadlı gənclərin üzə çıxarılması məqsədilə kastinq keçiriləcək. Bu haqda məlumatı Cenublu.az bu gün, 1 dekabr tarixində verir.
Astara Gənclər Evi SXM-in yaradıcılıq klubunda çalışan gənclərin iştirakı ilə mühüm maarifləndirici teatr tamaşasının təqdimatı planlaşdırılıb. Belə ki, kastinqdə iştirak etmək üçün 17 dekabr tarixində saat 11:00-da müəssisəyə yaxınlaşaraq, qeydiyyatdan keçmək lazımdır.
Namizədlər aşağıda qeyd olunan proqram əsasında imtahan verəcəklər:
– Hekayə (istənilən mövzuda);
– Şeir (təmsil, qəzəl və s.);
– Monoloq (əsasən, yazıçıların pyeslərindən);
– Rəqs (bacarırsa).
Qeyd: Namizədlər verilən proqram daxilində hər bir istiqamət üzrə istənilən sayda hekayə, monoloq və s. hazırlaya bilərlər. Bununla bağlı heç bir məhdudiyyət yoxdur.
Daha ətraflı məlumat üçün (050) 995 80 97 nömrəsi ilə əlaqə saxlamaq olar.
