Astarada ətraf mühitin mühafizəsi ilə bağlı tədbir təşkil olunub. Bu haqda məlumatı Cenublu.az bu gün, 28 oktyabr tarixində verir.
Tədbir çərçivəsində saxlanılan avtomobillər xüsusi cihaz vasitəsilə yoxlanılıb. Ətraf mühitə atılan tullantıların tərkibində müəyyən edilmiş normalardan artıq çirkli maddələr olan avtomobillərin sürücülərinə qarşı inzibati tənbeh tədbirləri görülüb. Həmçinin aşkarlanan diqər qayda pozuntuları ilə bağlı inzibati xəta haqqında protokollar tərtib olunub.
Burada məqsəd avtonəqliyyat vasitələrinin təhlükəsiz hərəkətini təmin etmək, ələcə də ətraf mühitin mühafizəsi sahəsində nəzarət tədbirlərinin artırılmasıdır.
Qeyd edək ki, tədbir Astara Rayon Polis Şöbəsinin Dövlət Yol Polisi Bölməsi, Ekologiya və Təbii Sərvətlər Nazirliyi əməkdaşlarının iştiraki ilə həyata keçirilib.
