Astarada gənclərlə “Sənin səsin-sənin gələcəyin” mövzusunda maarifləndirici tədbir baş tutub.
Cenublu.az xəbər verir ki, görüş Gənclər Evi Sosial Xidmət Müəssisəsində Lənkəran-Astara Regional Gənclər və İdman İdarəsinin təşkilatçılığı ilə keçirilib. Burada məqsəd gənclərin seçki sistemi, seçicinin hüquq və vəzifələri barədə maarifləndirilməsi, habelə 1 sentyabr 2024-cü il tarixdə ölkədə keçiriləcək seçkilərdə iştirak edəcək gənclərin məlumatlılıq səviyyəsinin və seçici fəallığının artırılmasıdır.
Tədbirdə Lənkəran-Astara Regional Gənclər və İdman İdarəsinin Astara rayonu üzrə gənclər və idman sektorunun və Astara Gənclər Evi SXM-nin əməkdaşları çıxış ediblər.
Sonda gəncləri maraqlandıran suallar cavablandırılıb.
