Ziya Bünyadov adına Astara şəhər 2 saylı tam orta məktəbində məktəblilərlə maarifləndirici görüş baş tutub. Bu haqda məlumatı Cenublu.az bu gün, 23 fevral tarixində verir.
“Sağlam gənclik, sağlam gələcək” adlı tədbirdə məktəbin yuxarı sinif şagirdləri və müəllim heyəti olmaqla cəmi 84 nəfər iştirak edib.
Tədbirdə çıxış edənlər gəncləri idman tədbirlərində fəal iştirak etməyə, fiziki inkişafa diqqət yetirməyə çağırıblar. Daha sonra “Sağlam həyatı seçirik” mövzusunda videoçarxlar nümayiş olunub.
Görüş Lənkəran-Astara Regional Gənclər və İdman İdarəsi, Lənkəran-Astara Regional Təhsil İdarəsi tərəfindən təşkil olunub.
