Astara Tarix-Diyarşünaslıq Muzeyində “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı”na uyğun olaraq “Rəqəmsallaşma istiqamətində bilik və bacarıqlarımız” mövzusunda tədbir keçirilib. Bu haqda məlumatı Cenublu.az bu gün, 30 noyabr tarixində verir.
Tədbirdə şəhid Məhərrəm Abiyev adına Astara rayon Vaqo kənd tam orta məktəbinin müəllim və şagirdləri iştirak ediblər.
Tədbiri giriş sözü ilə açan muzeyin direktor vəzifəsini icra edən Şahin Əliyev bildirib ki, dünya təcrübəsinə nəzər saldıqda rəqəmsal vərdişlərin artırılması və bu vərdişlərin cəmiyyətin istənilən kəsiminə aşılanması istiqamətində müxtəlif yanaşmaların tətbiq olunduğunu görə bilərik. Bu yanaşmalar böyük mədəniyyətlərin mövcud olduğu şəhərlərlə yanaşı, insanların daha az məskunlaşdığı, internetin daha az əlçatan olduğu bölgələrdə də tətbiq olunur.
Sonra muzeyin əməkdaşı İlahə Mirzəyeva mövzu ilə bağlı məruzə edib.
Yekunda şagirdlərlə fikir mübadiləsi aparılıb.
