Astara RPŞ-nin dövlət yol polisi bölmələrinin əməkdaşları tərəfindən “Piyadalar, diqqətli olun” şərti adı altında profilaktik tədbir həyata keçirilib. Bu haqda məlumatı Cenublu.az bu gün, 3 may tarixində verir.
Tədbir çərçivəsində yol polisləri piyada keçidindən düzgün istifadə etməyən şəxslərlə maarifləndirici söhbətlər aparıblar. Xəbərdarlıqlara riayət etməyən piyadalar barəsində inzibati protokol tərtib edilib.
Əlavə olaraq, yol polisləri ümumtəhsil məktəblərində görüşlər keçiriblər. Burada məktəblilərə piyada keçidlərindən düzgün istifadə qaydaları barədə məlumatlar verilib, yol hərəkəti qaydalarına riayət etməyin vacibliyi vurğulanıb.
Tedbirin keçirilməsində məqsəd piyadaların vurulması ilə nəticələnən yol-nəqliyyat hadisələrinin sayının minimuma endirilməsidir.
