Astara rayon Heydər Əliyev Mərkəzində “Peşə təhsilində Ulu Öndər Heydər Əliyev dövrü” mövzusunda tədbir keçirilib. Bu haqda məlumatı Cenublu.az bu gün, 24 noyabr tarixində verir.
Həsənov adına Astara şəhər 5 saylı, Çayoba, S.Əliyev adına Rüdəkənar kənd ümumi orta məktəblərinin müəllim və şagirdlərinin iştirak etdikləri tədbirdə əvvəlcə ulu öndər Heydər Əliyevin və şəhidlərimizin əziz xatirəsi bir dəqiqəlik sükutla yad olunub. Sonra Azərbaycan Respublikasının Dövlət Himni səsləndirilib.
Çıxışlarda vurğulanıb ki, Heydər Əliyev yenidən hakimiyyətə qayıtdıqdan sonra “Azərbaycan Respublikasında peşə təhsilinin təkmilləşdirilməsi tədbirləri haqqında” qərar qəbul edib. “Peşə təhsili sahəsində ixtisas və ixtisaslaşma klassifikatoru” da məhz Heydər Əliyev sayəsində təsdiq edilib.
Yekunda iştirakçılar şəhər 5 saylı tam orta məktəbin peşə təmayüllü siniflərinin şagirdlərinin əl işlərindən ibarət sərgiyə baxış keçiriblər.
