Astara şəhər 5 saylı tam orta məktəbində “Peşəmizi seçək" mövzusunda təlim təşkil olunub. Bu haqda məlumatı Cenublu.az bu gün, 17 fevral tarixində verir.
Tədbirdə əvvəlcə “Peşələr aləmi” adlı videoçarx təqdim olunub.
Görüşdə rayon üzrə gənclər və idman sektorunun, Astara Gənclər Evinin, Astara şəhər 5 saylı tam orta məktəbinin və Uşaq Birliyinin əməkdaşları çıxış ediblər. Onlar gənclərlə “Mən kim olmalıyam”, “Gələcək karyeranı necə qurmalı”, “Necə olmalı”, “Mən hansı bacarıqlara sahibəm”, “Özünü sına” altmövzularında müzakirələr aparıblar.
Tədbirdə Astara şəhər 5 saylı tam orta məktəbinin şagird və müəllimləri, nümayəndələr olmaqla ümumilikdə 54 nəfər iştirak edib.
Seminar Lənkəran-Astara Regional Gənclər və İdman İdarəsinin, Lənkaran-Astara Regional Təhsil İdarəsinin birgə təşkilatçılığı və Astara gənclər evinin dəstəyi ilə baş tutub.
