Astara rayonunda “Məişət zorakılığının yaranma səbəbləri və onunla mübarizə üsulları” mövzusunda tədbir keçirilib. Bu haqda məlumatı Cenublu.az bu gün, 28 noyabr tarixində verir.
Belə ki, Heydər Əliyev Mərkəzində keçirilən görüşdə rayon Dövlət Rəsm Qalereyasının, şəhər F.Əliyarov adına 6 saylı və B.Rüstəmov adına Asxanakəran kənd tam orta məktəblərinin müəllim və şagirdləri iştirak ediblər.
Tədbir çərçivəsində iştirakçılara bildirilib ki, məişət zorakılığı geniş yayılıb və ağır, bəzən isə faciəvi nəticələrə gətirir. Həmçinin onlara “Məişət zorakılığına susma” adlı film təqdim edilib.
Sonda şagirdlərin mövzu ilə bağlı sualları cavablandırılıb.
