Astara rayon Heydər Əliyev Mərkəzində “Məhəmməd Əmin Rəsulzadə milli müstəqilliyimizin ideoloqudur” adlı sərgi və tədbir təşkil edilib. Bu haqda məlumatı Cenublu.az bu gün, 23 yanvar tarixində verir.
Mərasim Astara şəhər 5 saylı tam orta məktəbinin iştirakı ilə həyata keçirilib. İştirakçılara mərkəzin baş fond mühafizi Elza Kazımova və bələdçisi Cəmalə Məmmədova tərəfindən Məhəmməd Əmin Rəsulzadə barədə məlumat verilib. Daha sonra şagirdlərin mövzu ilə bağlı sualları cavablandırılıb.
Tədbir çərçivəsində “Cümhuriyyətimizin banisi Məhəmməd Əmin Rəsulzadə” mövzusunda film təqdim edilib, həmçinin mərkəzin Elektron kitabxanasında saxlanılan kitablardan sərgi təşkil olunub.
