Astara rayon Siyaku kənd tam orta məktəbində "Narkomaniyaya yox deyək", "Erkən nikahlar və onların fəsadları" mövzularında tədbir keçirilib. Bu haqda məlumatı Cenublu.az bu gün, 30 aprel tarixində verir.
Astara RİH və Rayon Polis Şöbəsinin təşəbbüsü ilə keçirilən tədbirdə RİH başçısının müavini, İctimai-siyasi və humanitar məsələlər şöbəsinin müdiri Firəngiz xanım Sadıxova, RPŞ-nin YYÇPİTQ-nin İnspektoru polis leytenantı İxtiyar Arizzadə, rayon üzrə təhsil sektorunun metodisti Rasim Cəfərov, məktəbin direktoru Teymur Fətullayev mövzularla əlaqədar çıxışlar ediblər.
Yekunda videoçarx təqdim olunub və iştirakçıların sualları cavablandırılıb.
