Astara rayonunda “Sağlam həyatı seçirik, narkomaniyaya yox deyirik” və “Erkən nikahlar və onların fəsadları” mövzularında seminar təşkil edilib. Bu haqda məlumatı Cenublu.az bu gün, 16 dekabr tarixində verir.
Tədbir Sahib Kələntərov adına Ərçivan qəsəbə 2 nömrəli tam orta məktəbində keçirilib. Burada məktəbin yuxarı sinif şagirdləri və müəllim heyəti, nümayəndələr olmaqla ümumilikdə 55 nəfər iştirak edib. Çıxış edənlər narkomaniyanın və erkən nikahların yaratdığı problemlər barədə məlumat verib və gənclərin suallarını cavablandırıblar.
Seminar “Gələcəyimizi birlikdə düşünək” mövzusunda videoçarxla yekunlaşıb.
Qeyd edək ki, tədbir Lənkəran-Astara Regional Gənclər və İdman İdarəsinin Astara rayonu üzrə gənclər və idman sektoru, Astara Rayon Polis Şöbəsi, Lənkəran-Astara Regional Təhsil İdarəsinin Astara rayon Təhsil sektoru və “Astara Rayon Mərkəzi Xəstəxanası” Publik Hüquqi Şəxsin birgə təşkilatçılığı ilə həyata keçirilib.
