Astara Gənclər Evində “Könüllülük nədir” mövzusunda gənclərlə görüş keçirilib. Bu haqda məlumatı Cenublu.az bu gün, 6 dekabr tarixində verir.
Görüş Lənkəran-Astara Regional Gənclər və İdman İdarəsinin Astara rayonu üzrə gənclər və idman sektoru, Astara Gənclər Evi SXM-in və Astara Pedaqoji Kollecinin birgə təşkilatçılığı ilə keçirilib.
35 nəfərin iştirak etdiyi tədbirdə “Könüllülük fəaliyyəti haqqında” Azərbaycan Respublikasının Qanunu, gənclərin potensialından daha səmərəli istifadə etmək, cəmiyyətin bütün sahələrində gənclərin fəal iştirakına şərait yaratmaq və ölkədə könüllülük hərəkatını inkişaf etdirmək sahəsində görülən tədbirlər, eləcə də Astara Gənclər Evində könüllülər qrupu ilə aparılan işlər barədə məlumat verilib.
Yekunda fəal könüllülərə Lənkəran-Astara Regional Gənclər və İdman İdarəsinin təşəkkürnamələri təqdim olunub.
