Astara rayon Heydər Əliyev Mərkəzində “Müstəqil Azərbaycan yaşadıqca Ulu Öndər Heydər Əliyev ürəklərdə yaşayacaqdır” mövzusunda sərgi və tarix dərsi keçirilib. Bu haqda məlumatı Cenublu.az bu gün, 26 aprel tarixində verir.
Görüşə şəhid ailələri, F.Əliyarov adına 6 saylı tam orta məktəbin və Deqədi kənd tam orta məktəbinin müəllimləri və şagirdləri qatılıblar.
Tədbirdə “Ulu Öndər Heydər Əliyevin siyasi fəaliyyəti” mövzusunda film nümayiş olunub.
Sonra mərkəzin fondunun baş mühafizi Elza Kazımova mövzu ətrafında geniş məruzə ilə çıxış edib.
Daha sonra şagirdlərin mövzu ilə bağlı sualları cavablandırılıb.
Yekunda mərkəzin Elektron kitabxanasında saxlanılan kitablardan təşkil olunmuş sərgiyə baxış keçirilib.
