Astara Rayon İcra Hakimiyyəti başçısının Pensər kənd inzibati ərazi dairəsi üzrə nümayəndəliyində maarifləndirmə tədbiri təşkil olunub. Bu haqda məlumatı Cenublu.az bu gün, 27 yanvar tarixində verir.
Cənub Regional Mərkəzi tərəfindən keçirilən görüşün məqsədi baş verə biləcək fövqəladə hadisələrdə zəruri davranış qaydaları barədə vətəndaşlara müvafiq biliklərin verilməsidir.
İnteraktiv formada keçirilən tədbirdə ölkəmiz üçün xarakterik olan fövqəladə hallar, onların başvermə səbəbləri barədə ətraflı məlumat verilib, FHN-in “112” qaynar telefon xəttinin təyinatı izah edilib, ilkin yanğınsöndürmə vasitələrindən istifadə qaydaları əyani şəkildə nümayiş olunub.
