Astara rayon Heydər Əliyev Mərkəzində Azərbaycan dramaturgiyasının banisi Cəfər Cabbarlının anadan olmasının 125 illik yubileyinə həsr olunmuş ”Cəfər Cabbarlı – mədəniyyətimizin, ədəbiyyatımızın böyük, dahi insanlarından biridir” mövzusunda tədbir keçirilib. Bu haqda məlumatı Cenublu.az bu gün, 12 mart tarixində verir.
Tədbir Astara rayon Heydər Əliyev Mərkəzində Lənkəran–Astara Regional Gənclər və İdman idarəsinin Astara rayonu üzrə sektorunun, Astara rayon C.Cabbarlı adına Kakalos kənd 1 saylı tam orta məktəbinin müəllim və şagirdlərinin iştirakı ilə baş tutub.
Ulu öndər Heydər Əliyevin və şəhidlərimizin əziz xatirəsi bir dəqiqəlik sükutla yad edildikdən sonra Azərbaycan Respublikasının Dövlət Himni səsləndirilib və “Cəfər Cabbarlının həyat və yaradıcılığı” mövzusunda film nümayiş olunub.
Tədbirdə çıxış edənlər bildiriblər ki, Cəfər Cabbarlı XX əsr Azərbaycan ədəbiyyatının görkəmli nümayəndəsi, şair, yazıçı, dramaturq, kinossenarist, tərcüməçi, publisist, teatrşünas və ictimai xadimdir.
Görüş şagirdlərin mövzu ilə bağlı suallarının cavablandırılması ilə davam edib.
