Astarada “Azərbaycanın tarixi abidələri və memarlıq inciləri” mövzusunda tədbir təşkil olunub. Bu haqda məlumatı Cenublu.az bu gün, 18 aprel tarixində verir.
Görüş Astara Tarix-Diyarşünaslıq Muzeyində baş tutub. Burada Lənkaran–Astara Regional Mədəniyyət İdarəsnin baş məsləhətçisi, Mədəniyyət Nazirliyinin yanında Milli İrsin Qorunması, İnkişafı və Bərpası üzrə Dövlət Xidmətinin Salyan Regional İdarəsinin Astara rayonu üzrə baş mütəxəssisləri, Astara rayon Heydər Əliyev Mərkəzinin, Mərkəzi Kitabxananın, Dövlət Rəsm Qalereyasının əməkdaşları, A.İbrahimov adına Şüvi kənd orta məktəbinin müəllim və şagirdləri iştirak ediblər. Onlara mövzu ətrafında geniş məlumatlar verilib.
Sonra Milli İrsin Qorunması, İnkişafı və Bərpası üzrə Dövlət Xidmətinin Salyan Regional İdarəsinin Astara rayonu üzrə baş mütəxəssisləri təşəkkürnamələrlə təltif ediliblər.
Yekunda tədbir iştirakçıları Astara Dövlət Rəsm Qalereyasının təşkil etdiyi gənc rəssamların əl işlərindən ibarət sərgiyə baxış keçiriblər.
